依家用手機打機係一件非常平常嘅事，甚至有人買部電話返黎淨係用黎打機，但大家又記唔得早年「用電話打機」呢樣嘢其實唔係常態，甚至有廠商推出專用黎打機嘅電話？講緊嘅就係Sony (當年仲係叫Sony Ericsson) 於2011年推出、推開個Mon有控制器嘅Xperia Play！而事隔九年，佢嘅「後繼機」終於現身！

圖片：閑魚

卻說當年Xperia Play雖然設計新穎，但因為各種原因，最後嘅銷情其實唔好，而原來話要推出嘅Xperia Play 2亦一直只聞樓梯響，最後不了了知。但近日中國「閑魚」網站上，就有人Post出一部聲稱係Xperia Play 2原型機嘅電話「Z2i」，可見部機左上角有Playstation嘅標誌、背後有Sony Ericsson標誌及Xperia 字樣，推開亦見到控制器，螢幕下方就有於Android機上曾經紅極一時嘅四大觸控鍵，甚至仲真係可以開機，可信度頗高。

圖片：Wikipedia

發文者冇交代部機嘅來源，所以冇辦法進一步確定部機嘅真偽，佢亦話部機淨係Post上黎畀大家睇下架啫，係唔賣嘅。