美國國務院於網站上公佈「5G Clean Networks」，亦即美國戰略與國際問題研究中心 (CSIS) 委託25位來自美國、亞洲及歐洲專家評估全球網絡供應商所使用嘅設備後，得出嘅「可信」名單。其中包括全球多個大型網絡商，而香港電訊商無一上榜。

圖片：State.gov

4月時美國國務院宣佈所有進入美國外交機構嘅5G網絡必須為「Clean Path」，亦即端到端都冇使用「不可信賴嘅」IT廠商或設備，當中對廠商母公司所在國家嘅政制、管治、法治狀況，以及公司內部管理都有要求，亦講到明華為同中興係「不可信」。而名單中共有24個電訊商，包括美國本土嘅Verizon、AT&T，英國嘅O2、韓國嘅SK及KT，以及台灣嘅遠傳及中華電信。