現時電腦、智能手機、平板電腦都非常流行，但回想10年前、20年前，基本無人能夠想像得到會有咁先進嘅產物。而一部於1984年發售嘅Apple Macintosh原型機，即將於英國時間12月4日進行拍賣，預計成交價將達到18萬美元。

今次將會拍賣嘅Apple Macintosh原型機，係目前全球可以正常讀取Apple 5¼英吋軟盤嘅兩部其中之一。當然唔係話佢有咩比現時Apple電腦有更高嘅效能，但佢卻係Apple公司或世界科技歷史其中一個重要產物。

作為超過30年前嘅設計，Apple Machintosh原型機係首款具有圖形用戶界面(GUI)嘅電腦，並且支援滑鼠功能，同時係一部具有名合一機箱及顯示器嘅電腦，絕對算得上係劃時代嘅設計。