Logitech近年將不少精力放在開發電競設備上，其中G系列嘅滑鼠及鍵盤都有唔少選擇，不過價錢上唔算能夠輕易入手，唯今次全新推出嘅G604滑鼠雖然價錢上終於較容易令人接受，同時作為入門級嘅佢功能上亦未見有太大落差。

G604作為一隻LIGHTSPEED無線遊戲滑鼠，外型上無G502咁Cyber，感覺較為平實。不過，功能上卻仍然能夠滿足一眾電競玩家需要，其中G604全隻滑鼠擁有15個可自訂控制鍵，配合G Hub軟件全部鍵都可自行就住喜好更改，令你可以在進行遊戲時更方便完成指令，進一步發揮玩家能力。

另外，G604配有Hero 16K感應器，靈敏度達到16000 DPI，同時零濾波、零過濾及零加速功能，令玩家玩遊戲時可以更精準。

不過較G502失色嘅係，G604失去砝碼調節重量呢個特點，同時亦都失去無線充電功能，因此需要用上電芯令滑鼠保持動力。

而另一設備Pro X鍵盤，作為專業級電競鍵盤，價錢上黎講算係很可觀，同時亦不會失去電競必須嘅功能。而為左令鍵盤更簡潔，今次Pro X去掉右邊嘅數字鍵台，令玩家嘅桌上釋放更多空間。

由於唔同玩家對於鍵盤嘅軸體手感各有不同，因此今次Pro X首次加入可更換鍵軸嘅功能，令用家可按自己喜好換上紅軸、茶軸或青軸，於遊戲用上更適合自己手感嘅按鍵，將會變得更加得心應手。

價錢

G604 LIGHTSPEED 無線遊戲滑鼠: $799
PRO X 機械遊戲鍵盤: $1299