相信大家都一定睇過唔少電影，係講地球遇上太空行星撞擊而面臨毀滅或嚴重破壞，而大部份情況下都會由太空總署率先發現，然後商討對策解決眼前危機。不過，原來電影真係歸電影，現實卻可能完全係兩回事。

日前，一顆小行星「2019 OK」喺地球附近掠過，而太空總署NASA竟然喺該小行星掠過地球前24小時才得知其存在。亦即係話，如果該小行星如果係衝向地球嘅話，NASA就只有24小時去商討對策，相信咁短嘅時間絕對難以想出足夠好嘅解決方法。

This is the video of the close encounter of Asteroid 2019 OK we have been Twitting all day with the Earth: https://t.co/bjT7uhQJuO pic.twitter.com/3e4UyPcdPl

— ASAS-SN (@SuperASASSN) July 25, 2019

不過幸好嘅係，今次呢顆小行星喺距離地球73000公里外掠過，並未對地球造成威脅。另外，今次呢顆「2019 OK」嘅闊度為100米，雖然唔算非常巨大，但如果墜落地球表面，相信仍然會造成嚴重傷害，很有可能一個城市會因此而被完全摧毀。

如果能夠走甩今次呢顆小行星，亦即係話過往絕對有機會錯過更多類似嘅情況，即係話唔知幾時有一次NASA走甩，然後小行星直衝地球，到時就真係GG了....

而為左盡可能解決目前有問題嘅情況，NASA已經向美國國會申請資金，去打造更好嘅外太空掃瞄方法及製造紅外線望遠鏡，而便更準確偵測到會近距離接近地球嘅行星。