寶麗來即影即有相機，本身就擁有一種潮味，Instagram則是最時興嘅snap平台，兩者crossover，學汽車維修員話齋，係好合情合理嘅！不過呢部成品Polaroid Socialmatic實在來得太遲，2012年已經發表原型，直到近日官方先至喺Amazon公布終於會喺2015年1月1日正式發貨，要大家苦等兩年有多。

至於售價，開出係US$299.99（約$2,334），同大家之前預期差唔多。不過淘寶已立即有賣家出post準備轉售，開價由2,650人仔起跳（約$3,328），即係話部機有炒賣水位，有機會俾人掃貨去炒，想入手就快啲上Amazon預訂喇。