古語有云︰「女人心，海底針」，女人嘅心情常常變幻莫測，好比天氣一樣。之不過歌仔都有得唱︰「天氣不似預期～」天氣都仲有得預計吓，但女人個心，真係點估都估佢唔到！

不過天下的男人有福了，喺未來嘅日子，你有機會唔駛靠多啦A夢嘅法寶，都可以一眼望穿女人心。

美國一間研究生物工程學嘅公司Sensoree發明一種可以感應穿著者心情嘅衣服——Mood Sweater。著咗件衫後，手上佩戴感應器，你嘅情緒訊息就會傳入衣領，鑲嵌在衣領內嘅Led燈就會根據傳來嘅訊息變換顏色。

Mood Sweater所用嘅技術同測謊儀類似，利用穿著者嘅汗腺收集訊息。

Mood Sweater嘅設計係基於一種特殊測謊技術——皮電反應(GSR)系統。通過感應皮膚表層濕度，進而分析出人嘅興奮程度。GSR技術應用同時仲需要一個叫做哈伯德靜電計嘅設備。呢項技術廣泛應用喺宗教審查會議中，用來測試信徒的虔誠度。

但Sensoree並無什麼明確意圖。設計Mood Sweater只為使人們之間嘅交流更加親密。