最近Anne Hathaway為宣傳新作《The Idea of​​ You（關於你的想法）》接受《V Magazine》雜誌訪問，期間大爆入行早期辛酸經歷，表示2000年代嘅荷里活時常要求演員在試鏡時親熱，藉此測試兩人之間嘅化學反應。

佢早年參加某次試鏡時，就被要求過同10名男演員接吻，當時劇組甚至同佢講：「今日我哋安排咗10個男仔過嚟，你興唔興奮呢！」雖然佢一啲都唔興奮，仲覺得好嘔心，但由於佢仲係新人，唔想人哋覺得自己「難相處」，所以只好扮到好興奮咁頂硬上。話雖如此，但Anne Hathaway強調整過程冇人強迫或試圖傷害佢，只係道出當年荷里活嘅行業慣例，而家大家都知道點樣處理得更好

《The Idea of​​ You》劇照

身兼監製及主演既Anne Hathaway於《The Idea of​​ You》飾演一位40幾歲嘅單親媽媽，講述佢同一位24歲嘅樂隊歌手相遇相愛嘅故事。可能係因為過往不愉快嘅經歷，今次Anne Hathaway選角時用咗一個更現代嘅方法測試彼此有冇火花，就係要求演員揀一隻認為角色會鍾意嘅歌曲，然後播住同自己一齊跳舞，最終由《Red, White & Royal Blue（王室緋聞守則）》Nicholas Galitzine奪得角色。