CORUM嘅海軍上將杯系列，講吓歷史都可以數返上去1960年代，而其中有航海旗錶盤嘅設計，已經要睇返 1983、1991年兩款作品，崑崙今次再走回頭路，懷舊得嚟揉合現代玩味，12 邊形配襯之下更為突出。

1991年作品

全名 Admiral’s Cup Legend 42 Automatic，隻錶帶有原裝海軍上將杯系列嘅基本元素，再加上大大隻航海旗作為時間刻度，係向80、90年代嘅經典設計致敬。

新作沿用海軍上將杯系列經典的12邊形錶圈設計，錶盤飾以特大航海旗，色彩豐富，裝配CO395自動上鏈機芯，具有時、分、小秒針，日期等功能；機芯擺頻每小時28,800次( 4Hz)，動力儲備大約42個鐘；錶殼直徑為42mm，螺絲鑲密錶背鑲水晶玻璃，機芯結構、運作一樣睇通睇透。

白色或藍色錶盤，除咗彩色旗幟，仲有小秒針設於6點位置，3點位置係日期顯示，防水深度30米，配襯鱷魚皮錶帶，而家嘅建議零售價係HK$32,500。