{ SKIP }
文:王貽興  圖:互聯網
POSTED ON 15 Jun 2019

女友的前度拍拖至今一直糾纏復合,消失一輪,以為雨過天晴,誰知道某夜凌晨條友竟然在屋企樓下大吵大鬧要求見面,又話自己有病又話要生要死,男人不知所措,也不知道是怕畀人打還是真的窩囊至此,竟然要求女友自己落去同條友拆掂佢,自己繼續匿響屋企大覺瞓……

就算你真的未遇過這種情況,但事情發生了,作為男人,硬著頭皮也要面對,就算明知落到去件事一定難睇,過程一定唔會愉快,甚至會嘈到報警上報,都係果句,係男人呢啲時候就要企出嚟,點可能做縮頭烏龜,要條女去頂去面對?

周杰倫有首歌叫《算什麼男人》,實在太適合形容這些窩囊廢。就算平時講到幾愛幾錫個女人,咁小事已經匿響後面愛理不理,甚至反過來怪責女友蘇州屎累街坊,還算什麼男人?這種男人,你又如何旨意將來真有什麼事的時候,他會保護你周全,不讓你受苦受害?

這種男人,我常常稱為吳應熊,就是《能鼎記》裡吳三桂兒子吳應熊,平時也文也武,恃著父蔭,把口講到天下無敵,對女伴甜言蜜語,然而一旦遇到危險,卻把阿珂推出去頂,推出去死,所有人都可以出賣,所有承諾都只是空頭支票,到頭來他真正著緊關心的,就只是自己的利益,自己的性命……

有一種女生,大概也真的可以用人渣磁石來形容。永遠吸引埋啲廢渣賤男,前度係失業頽廢扮慘扮思覺失調玩自殺求復合的癲佬,現任是窩囊自私冇膊頭的富二代,永遠梅花間竹,永遠的永劫回歸,悲劇循環……

影衰男人的男人,唔配有女,但偏偏,永遠大把女痴埋去,無計,你有膊頭就唔一定有磚頭,大部分女人,太平盛世,還是貪男人有磚頭好過有膊頭

作者簡介: 香港新生代作家、作詞人及主持人
雖然話男士們對於時下流行嘅戀愛綜藝未必好有興趣,但相信大家都不能否認,無論邊個國家、邊個電視台拍嘅戀愛節目,入面啲女仔都真係樣靚身材正(老實講,啲男仔都係)。而當中唔少人更加係因為參加戀愛節目而爆紅, ...
girls
【深夜】日本戀綜花式溜冰美人 「上ノ堀結愛」初寫真
18 Mar 2024
雖然話於網絡世界、社群媒體之中,任何都可以有成名嘅機會,但有時呢啲成名機會往往會黎得猝不及防,甚至奇奇怪怪、尷尷尬尬。好似今晚要同大家介紹嘅呢位「ときちゃん」咁,就因為上年一條無心插柳嘅「尷尬兔女郎跳 ...
girls
【深夜】因「尷尬的兔女郎」爆紅 Tiktoker「ときちゃん」成日本寫真No.1
15 Mar 2024