路過中環站與香港站中間隧道，聽到有女生拍男友肩膀，指著牆上保險廣告大嚷，哇你睇！羅敏莊佢媽咪咁似羅敏莊既喂！

我翻白眼，點計都應該係羅敏莊似佢媽咪，唔係佢媽咪似羅敏莊吓話？

女生依舊以高八度吳若希語氣大驚小怪：「咁羅敏莊老咗咪會好似佢媽咪囉？咁佢地個女陳禛老咗咪又會似佢媽咪囉？」

鬼唔知阿媽係女人，但好多人唔知自己老婆或者女友，老咗係會似佢老母。這句話當中不帶任何情緒，也沒有粗口成分，係真係似佢老母，很多男人看著眼前女友或者老婆又索又靚，如日方中的模樣，以為她們將會美麗窈窕到天荒地老，但我傾向相信遺傳基因……

正如啲人話呢隻股票好掂呀，走勢強勁，但我傾向相信業績同數據，亦都唔介意向呢啲男人潑冷水，佢地靚佢地瘦佢地索可能因為後生，更可能因為佢地未結婚，未生小朋友，生咗，你試吓望吓佢地媽咪，好明顯就係使用前同使用後既分別。講完。

或者你會覺得我危言聳聽，沒關係，請未來外母找一張她年輕時的照片，或者請她做出你女友老婆最常做的動作表情，對比一下，你可能看到照片已經嚇得冷汗直冒，猶如看了十次《幻海奇情》，天啊歲月原來真的是把殺豬刀……

起初我也不相信這個理論，然而某位人渣朋友很多年前告訴過我一個親身經歷的故事。他年輕時曾經有過一個女朋友，身材火辣，兩人如膠似漆，一起不夠三個月已經決定結婚，到女友家拜年時，驚覺女友家人原來大部分都是胖子，連兄弟姐妹以至結了婚的表姐都胖，才發現原來女友不是得天獨厚，而是從小就胖，只是幾年前拼了命死忍爛忍勤做運動才瘦下來，那一刻他開始天人掙扎，究竟我該相信基因與宿命，還是相信人的意志可以永遠戰勝命運？

原本他還是相信女友的努力，但是當兩人結伴旅行回來，看到女友開始腰間長出幸福肥，又沒有最初那麼多時間心機打扮，他開始想起她母親，連造愛的時候，都忍不住想起伯母的臉與身形……

他考慮再三，還是當了懦夫，以莫須有罪名，忍痛跟女友分手……