日前除咗係 太陽神11號 (Apollo 11) 成功登陸月球50週年外，同時 NASA (美國太空總署) 亦為大家帶嚟一件振奮人心嘅消息，就係 NASA 宣布將會喺2024年前，使用剛建造完成嘅 Orion (獵戶座) 載人太空艙送太空人重返月球，同時仲會有首位女太空人參與登月。

早前美國副總統 Mike Pence 喺前往佛羅里達州甘迺迪太空中心，參與慶祝登月50週年時宣布，NASA 嘅 Orion 載人太空艙已經建造完成，仲會喺2024年前重啟將人類送回月球嘅計劃。

根據 NASA 指出，工程師近日完成咗建造及組裝 Orion 機組模塊工作，並將數千個零件整合到機組模塊中進行測試及驗證所有系統。

其實今次並非 Orion 嘅首次太空任務，早於2014年 Orion 就進行咗一項無人飛行任務，不過 Orion 只傀喺太空上逗留咗4個鐘，並環繞地球兩周後返回地球，但當時係使用 Delta IV 火箭升空。

而今次 Orion 重返月球將首次使用發射系統 (SLS) 火箭，以便有效地將更重負荷推離地球表面，並且延長將人類送入太空的時間。Orion 喺2024年將太空人送到月球後，將預備登陸火星嘅「阿特密斯」計劃 (Artemis Program)。

來源：Tech Crunch