菲林拍攝愛好者注意！Fujifilm 宣布將會喺今年9月推出已經停產咗嘅黑白菲林 Neopan 100 ACROS Ⅱ，相信令呢個係菲林拍攝愛好者嘅一大喜訊！今年今日 Smart Phone 已經每人有一部，影相只係一迅間嘅，而等待沖曬嘅菲林，係另一番味道。

用菲林影相機人越嚟越少，令到菲林拍攝市場日漸縮細，加上製作菲林嘅原材料短缺，導致去年秋天 Fujifilm 決定停產 Neopan 100 ACRO 黑白菲林。但後來 Fujifilm 發現菲林仍受部分年輕人歡迎，所以決定重開黑白焦距生產線。新嘅 Neopan 100 ACROS II 感光度仍然係 ISO 100 嘅黑白膠菲林，但改用咗新嘅原料，以及 Super Fine-Σ 粒子技術後，菲林中嘅鹵化銀顆粒更細膩，能夠捕捉更高光細節，增強畫面立體感。

新款 Neopan 100 ACROS Ⅱ 黑白菲林預計喺今年秋季上市，而售價相信會比舊款 Neopan 100 ACROS 更貴，而由今年4月1日開始 Fujifilm 亦已提高咗菲林出貨價，所以新嘅 Neopan 100 ACROS II 自然走唔甩。