{ SKIP }
文:MenClub 路易斯  圖:MenClub
POSTED ON 21 May 2019

2010年開始於香港開展業務嘅 Facebook 噚日全新嘅香港辦公室正式開啟,呢個佔地4層共60000幾呎嘅全新辦公室相信係等個打工仔夢寐以求嘅工作環境!Pantry 零食飲品任食任拎不在話下,竟然仲有廚師駐場免費提供地道香港美食,包括點心及各類即叫即炒美食,加上遊戲室等等設施,的確令人樂而忘返。

Facebook 於香港嘅辦公室牆壁由 Artist in Residence (AIR)計劃旗下嘅香港藝術家設計,為辦公室帶嚟更好本土文化原素,例如摩天大廈、馬賽克瓷磚等。

其中喺辦公室頂層一個書櫃後,原來收埋咗以香港城市夜景為主題設計嘅「SECRET ROOM」,用途主要係畀賓客入內打卡、影相、呃 Like,而房間嘅設計靈感嚟自香港特色霓虹燈。

樓高4層嘅辦公室由巨型中空樓梯連接,令整個辦公室更富有穿透性。

要留住員工嘅心,其中一個辦法係留住員工嘅肚,Facebook 嘅餐廳名為「點心」,佢免費提供即煮即炒嘅地道香港美食,其中仲包括有點心、雞蛋仔等特色食物。

另外,辦公室嘅 Pantry 都有一整個零食架提供不同種類嘅零食,包括薯片、朱古力、糖等等,亦有各個種類嘅杯麵提供,而雪櫃則有大量飲品供員工飲用。

辦公室內每個房間嘅命名都非常鬼馬,例如用上電影《無間道》、《英雄本色》作房間名稱,又有「你睇我唔到」、「打邊爐」等鬼馬名稱。

娛樂當然唔少得,辦公室內設有遊戲室提供桌球、籃球機及其他遊戲機,員工可以嚟到遊戲室放鬆心情舒緩工作情緒,而辦公室亦設有夾公仔機,可以讓賓客、員工碰碰運氣。

Facebook Live Studio 配備隔音裝置,可進行直播或錄影,並提供各種先進科技設備,如多鏡頭切換、定制燈光系統、專業級音響系統及讀稿機等。

休息及放鬆都非常重要,所以辦公室每個辦公樓層都設有書架及梳化等放鬆區域,例如書架上有唔同嘅小說。如果感到疲倦,仲可以用按摩椅輕鬆一番,太夜的話仲可以喺辦公室沖涼。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024