{ SKIP }
文:MenClub 路易斯  圖:互聯網
POSTED ON 19 Feb 2019

近期華為喺國際新聞上鬧得熱烘烘,而近日再有關於佢哋嘅新聞出現。據外媒The Information最新報道指,華為曾經試圖向Apple製造商及供應鏈提出以大筆訂單換取Apple商業機密,當中包括Apple Watch心跳檢查器、 MacBook Pro鉸鏈設計等。

The Information報道指出,其中一次華為竊取Apple產品機密案例係於去年秋季,當時華為嘅智慧手錶工程師帶同4位研究人員與Apple供應鏈廠商會面,期間華為一方向供應商暗示可以提供一份利潤豐厚嘅訂單,但會面期間主要查問Apple Watch細節,仲要求供應商估算Apple Watch零件成本,希望從中獲得成本結構資料。

報道亦指出華為複製咗2016年版本MacBook Pro螢幕連接鍵盤嘅鉸鏈結構設計,事件始於一次華為與Apple供應商會面並提供咗設計圖,但供應商認為設計與Apple幾乎相同,所以拒絕為華為生產。最後華為搵咗另一間願意生產鉸鏈嘅合作夥伴,而呢個鉸鏈設計目前已經由華為MateBook Pro所採用。

此外,有傳華為對CiscoMotorolaAKHAN Semiconductor等公司都用咗類似換取商業機密嘅手法,而早前美國司法部亦曾指出華為內部對於員工有一項竊取商業機密嘅獎勵機制,並視內容機密程度提供獎金。

來源:The Information

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024