相信有唔少讀者都有睇美劇《權力的遊戲》(Game of Thornes)，但唔知大家對手機遊戲《權力的遊戲：凜冬將至》又有無興趣呢？股王騰訊(700)最新消息指，由華納兄弟互動娛樂通過HBO許可下正式授權，並由遊族研發、騰訊獨家代理嘅正版SLG遊戲《權力的遊戲凜冬將至》今日正式開啟首測。

其實騰訊去年已經取得美劇《權力的遊戲》嘅正版手機遊戲開發授權，Daenerys Targaryen、Jon Snow、Tyrion Lannister等角色都會喺遊戲中登場，而玩家可以控制劇中角色，征戰維斯特洛大陸，入主君臨城奪得鐵王座，並成為《權力的遊戲》最大贏家。

手機遊戲《權力的遊戲：凜冬將至》係3D策略遊戲，遊戲內容參照美劇《權力的遊戲》而開發，雖然遊戲尚未有推出日期，但騰訊遊戲將會與從4月播出嘅美劇《權力的遊戲》最後一季銜接，所以估計遊會喺今年4月正式推出。