Apple首席設計師Jony Ive最近發表咗新設計，不過佢設計嘅產品竟然同Apple完全無關，而係伙拍另一著名工業設計師Marc Newson，設計出女人嘅最愛鑽石戒指。有留意開Apple產品嘅介紹都知道Jony Ive唔少產品設計都係「一體化」，而呢隻鑽石戒指亦都係採用咗「一體化」設計。

作為Apple首席設計師嘅Jony Ive，佢所設計嘅戒指當然有佢嘅獨特風格，呢隻鑽石戒指用上咗「一體化」設計，係一隻100%由鑽石所製造，無加入其他金屬材料嘅「真鑽戒」。據了解，呢隻「真鑽戒」係由一整塊鑽石打磨而成，戒指上有2000至3000個刻面。

蘇富比拍賣行表示，呢隻「真鑽戒」專門為 (RED) 拍賣而創造，並即將於Miami蘇富比中拍賣，預計成交價為15至25萬美元，拍賣所得將全數捐作慈善用途。

來源：9to5mac