今時今日TikTok(抖音)呢類短片社交平台已經進佔咗唔少青少年嘅生活圈子中，相對嚟講佢哋會認為Facebook係老一輩先玩。有見及此，Facebook喺部分地區推出咗同類型音樂短片分享應用程式Lasso，而Lasso專為青少年設計，短期內有機會擴大社區用戶測試。

其實香港年輕人都越嚟少人玩Facebook，但佢哋主要玩嘅都係Facebook旗下嘅Instagram，而另外有一部分外國年輕人就好喜歡玩抖音呢類音樂短片App，相信Facebook為咗唔想市佔逐漸流走，決定推出音樂短片分享應用程式Lasso挑戰抖音市場。

目前，Facebook喺部分地區低調發布Lasso，並於iOS及Android平台上推出，Lasso提供類似抖音嘅功能，用戶可以透過Lasso錄製跟隨流行音樂唱歌跳舞嘅短片，加入濾鏡及其他特殊效果後，可以同時於Facebook及Instagram融合並分享。

來源：The Verge