無論係高跟鞋上女士的腳踝，還是男士波鞋上露出的腳踝，當中除咗演譯出比例上嘅美態，仲有一種性感特質。因此，由當年興著窄褲已經講roll褲，到闊褲興起，roll褲這個指定動作依然不死。因為roll褲的演譯唔單止係視覺上審美，亦都男士打扮率性嘅表現。又來到2019嘅春天，不妨溫故知新一下，roll褲長度，摺疊上的細節重點。

其實roll褲唔似西裝、打呔等傳統紳士學，沒有一套劃一標準去話你roll褲roll得正唔正確。所以只有roll得好唔好睇，冇roll得啱唔啱。

1. Selvedge Denim Roll褲
其實Selvedge Denim解作布邊牛仔褲，於布邊飾上redline，以証明該牛仔褲是優質denim布。由是如此，Selvedge Denim的布料一般已有一定的硬度。如是者，大家可選擇像James Dean一般簡單的單摺roll起來，因為是Selvedge Denim布料夠挺身的關係。基本上是其他褲種做不到的roll褲方式。

2. Pin Roll is out
早幾年因為崇尚slim cut窄褲風潮關係，不少網站也鼓吹一種名為「Pin Roll」的Roll褲方法，讓褲腳位修得夠窄之餘，也能百分百盡現腳上的sneaker。但隨住straight cut甚至wide pants的風潮興起，這種摺到勁窄的Pin Roll開始式微，

尤其對小腿較粗的男士來說，Pin Roll夾硬扭窄個褲腳，更顯出你條小腿有幾粗。

3. 西裝褲的roll褲迷思
正常來說，西裝屬正裝，看上去西裝褲似乎不能roll褲。但其實西褲種類之一個設定叫做Cuffed Pants，將西褲摺起後，先會用熨斗熨出條骨，再用縫線鎖實的設計。這種roll up褲的設計並非人手隨意摺起，而一般來說，這種cuff的摺起的邊大概為2吋內左右。

傳統Cuffed Pants大多數落在tweed、corduroy等厚身物料上，但意式西裝亦中，其實亦見到薄身料亦有Cuffed Pants。

4. 隨意Roll
講到尾，Roll褲係一種率性嘅著褲技巧，有時左右不對稱咁roll，先可以表現出那種不羈。尤其近年wide pants當道的年代，你就算摺6摺(一般標準都係叫你摺2-3摺)，roll褲roll到大大舊，一樣冇問題。最緊要係你其他衫配合到就得。