人類服裝歷史以來都罕有及奢侈動物為尚，因為罕有又保暖，又有展示到身份地位。但近十多年來科技物料發展，唔好話皮草，就連羽絨都已經唔係必須品。加上動物保護組織多年來的教育運動，各位名人及明星都唔想再孭住血淋淋嘅動物屍體，有見及此，法國法國奢侈品牌Chanel亦正式宣佈品牌日後將不再使用各類稀有的動物皮革，換言之，一些經典的鱷魚皮、蛇皮、蜥蜴皮等奇異動物毛皮（exotic animal pelts）產品將成絕響。

據Chanel執行主席Bruno Pavlovsky宣佈，「將來的Chanel產品不會再使用奇異動物皮革」，他解釋現在市場越來越難找到高品質，而又合符道德標準的皮革。所以除了鱷魚皮和蜥蜴皮，其他動物如貉、貂鼠和兔的皮毛都一律棄用。

講開又講，其實近幾年Chanel已經停止生產皮草，只不過品牌從未正式對外公佈。

基本Chanel方面已正式放棄製作呢類奇異動物嘅皮革產品，現時Chanel只會繼續售賣僅得的存貨直至2019年5月。素來物以罕為貴，唔知呢類皮革手袋喺二手名牌店會唔會掀起炒價潮，抑或大家齊齊棄用而無人問津呢？