{ SKIP }
文:MenClub 波特先生  圖:互聯網
POSTED ON 28 Oct 2020

一直被球迷批評嘅巴塞主席貝圖美奧以及其董事會今日終於宣佈辭職,相信一班巴塞迷應該可以開香檳慶祝,恭喜恭喜!

Credit: Getty Images

貝圖美奧自2014年開始擔任巴塞主席,期間岩嘅事有做過,但最近期錯嘅事卻越做越多,最終巴塞會員對其進行彈劾,而加泰隆尼亞大區政府批準巴塞會員嘅彈劾投票,最終迫使貝圖美奧辭職。但貝圖美奧辭職前卻有一個令人想笑嘅理由:為左唔想令會員們嘅健康喺投票過程中受到疫情影響,最終決定投票彈劾前自動下台。

一個咁嘅辭職理由,就同餐廳限坐6人,限聚令限4人一樣咁好笑。

根據巴塞球會章程,球會董事會集體辭職後,巴塞必須成立一個臨時「管理委員會」接管球隊工作。「管理委員會」主席需要係辭職前球會經濟委員會嘅負責人,管理委員會嘅成員中,不低於50%成員應該來自前任董事會,並且要至少達到7人。管理委員會嘅職責係維護球會日常工作,但僅限於必要工作。之後管理委員會要幫球會舉行選舉,日期係接管球會後嘅3個月之內。

今次被迫辭職嘅貝圖美奧,任內做過嘅蠢事包括: 應承美斯回購尼馬,但最終卻反口只係引進基沙文,做成如今美斯基沙文不相容;無應球要求辭退前教練華維迪,但突然又聯絡沙維有意取代華維迪,但最終又沒有成事;貝圖美奧下屬曾批評巴塞球員,令美斯相當不滿;引入前鋒包括洛迪高、祖斯等都完全失敗。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024