{ SKIP }
文:MenClub 魏文青  
POSTED ON 08 Jun 2021

Bitcoin係啲咩大家都知,但Bitcoin除咗用黎炒、同曾經可以用黎買Tesla之外,可以用喺邊大家又未必知——依家我就話你知,Bitcoin可以喺薩爾瓦多當普通錢咁用!

薩爾瓦多總統布克勒 (Nayib Bukele)

然後你就會問,薩爾瓦多喺邊呢?薩爾瓦多係一個中美洲國家,主要經濟活動係種咖啡同棉花,而由於薩爾瓦多無自己嘅貨幣,當地主要係用美元結算。但自總統布克勒 (Nayib Bukele) 於日前提出議案,今日該國國會以大比數通過之後,就成為全球第一個接受Bitcoin作為法定貨幣嘅國家。

布克勒總統指,將Bitcoin列為法定貨幣嘅原因之一,就係減輕對美元嘅依賴 (以及美國聯儲局政策嘅影響);另外由於當地GDP有近20%都係來自國際匯款,使用Bitcoin就能減少手續費等交易成本,亦能方便冇銀行戶口嘅民眾。

薩爾瓦多將Bitcoin列為法定貨幣,代表當地一切商戶,哪怕你係賣雪糕嘅車仔檔檔主都必須接受客人以Bitcoin付款。作為保障,薩爾瓦多政府會成立一個1.5億美金嘅基金,商戶可以將收到嘅Bitcoin即時向基金兌換成美金,而基本就會適時地將Bitcoin賣出去以補充美金存量。

資料來源:coindesk
各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023