{ SKIP }
文:傑克  圖:互聯網
POSTED ON 16 Apr 2019

心突然的隱隱痛,如空穴來了陣寒風。失戀的而且確是男人其中一種痛,但絕對稱不上為男人最痛,起碼失戀代表有戀過,大把宅男成世人都形單影隻,晚晚只能靠雙手慰藉。要數男人最痛的話,以下煩惱真係入到頭五位。

冇女

世上靚女何其多,為何冇個鍾意我?溝唔到女真係男人之苦,讀書年代尚有打波、打機、砌模型可以代替,但漸漸長大後,成三十幾歲人都仲係晚晚食自己,每個情人節、聖誕節都只可以上討論區與一班淪落人互相慰藉,眼淚真係在心裡流。

冇女係一件慘事,但如果你有錢的話,根本唔會怕冇女,莫說富二代會有大把女自動獻身,假設你生於中產家庭,又或者份工人工唔錯,即使唔會有女自動埋身,但起碼你都有錢可以光顧極速約會服務,或者婚姻介紹所,甚至乎使錢解決性需要!但係,如果你係窮光蛋一名,女又冇錢又冇,就真係慘絕人寰呀!

性功能問題

冇錢冇女當然係慘,但如果有錢又有女,偏偏有得睇冇得食,是否都算係慘中之慘呢?性功能問題如不舉、早洩、沒法完事等,這些苦況慘在作為男人,真係好難開口求助,同朋友講怕被人唱,同伴侶講又怕老尷,更遑論去求醫。

禿頭

對比以上三種,禿頭當然沒法比,但作為男人,其實都好介意自己頭髮稀疏,M字額都可用髮型搭夠,遮得就遮,但地中海式脫髮真係冇得救,無論幾靚仔都救唔番。唯一可做就係一不做二不休,剃光頭!

大肚腩

與禿頭拍得住的就是大肚腩,人到中年基本上都走唔甩,除非你好有恒心保持做運動及健康飲食,否則一旦形式了肚腩,要減真係要使出九牛二虎之力,很多男人都屬於有心無力,只能眼白白睇住自己十月懷胎。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023