{ SKIP }
文:MenClub 玄火  圖:互聯網
POSTED ON 14 Mar 2019

一邊睇波,一邊嘆啤,人生一大樂事也,如果身邊有美女相伴,更是夫復何求!有份工可同一時間滿足你頭兩個願意,而且唔係義工,仲有錢收,有冇興趣做?

吓?香港人一定諗,有冇咁大隻蛤乸隨街跳,有呀,真是有咁大蛤乸呀,未睇完呢篇文,你先買定英國機票先。呢場係英超聯賽,唔係足球,而係欖球,戲碼是Bath RugbyBristol Bears,但呢條計唔係兩隊波度出來,而係蘋果酒商Thatchers Cider

淨袋200

蘋果酒,又西打酒,呢壇嘢其實是廠商的宣傳手法,招聘熱血人士做兼職「試酒師」,順便入場睇波,報酬極之吸引,只需數小時,便可獲得200鎊收入,即2000港元左右,收入大過付出,好搵過書展(筆者做過最高薪是連佣金一日1500元),期間任飲,兼可免費睇波,爽到無朋友。

放心,絕無欺騙成份,條件寫得非常詳細,獲聘者需要在公眾入場前半小時,亦即比賽日早上10點半前抵達球場,確保該品牌已在球場內有售,然後試一試味道如何,報告一下。那場比賽的開波時間是下午2點,如果唔覺意飲得太多,仲可以嘆完後瞓一瞓,之後先全情投入欣賞大戰。

報名要快手

唔止呀,「試酒師」賽後可直落參加附近舉行的粉絲狂歡,晚上繼續吃喝玩樂,話唔定可以識到當地美女。講到明係兼職,梗係要同你講條件,應徵者必須年滿18歲或以上,兼且廠商仲怕你酒後駕駛,屆時獲聘者必須攜同友人入場,證實賽後有人代駕,熱愛飲酒和欖球者優先。

說到重點中的重點,呢一刻你仲可以報名求職,中籤者可於319日獲得確認信,心動不如行動,仲可以當是單日working holiday?利申,筆者唔係賣廣告,但就做埋資料搜集,知道球場位於英國倫敦西南部,可容納超過8萬人,氣氛不下於英超足球比賽,如果你真係成為幸運兒,希望回港後同Menclub寫返個「賽後報告」喇喂!

在年青時,我們曾幻想自己的能力大到可以征服世界,將來定必幹一番大業,有豐厚的成就,對社會甚至世界都有所貢獻。但這夥熾熱的心,慢慢隨著我們在生活中不斷受挫而冷卻,又或者在我們每日平穩度過的人生中無聲無色 ...
powerandmoney
平庸人生的徵兆
24 May 2019
嫖賭飲吹,人性也,由練波時賭20美元的投籃,到玩啤牌的100萬美元賭注,賭錢已經是肚滿腸肥NBA球星的生活日常,例如剛退役的Dirk Nowitzki便是啤牌發燒友,多年來是獨行俠(前稱小牛)內部「巡迴賽」的專業搞手。 ...
powerandmoney
【非法聚賭】NBA睇你吾賭之旅
23 May 2019