{ SKIP }
文:傑克  圖:互聯網
POSTED ON 01 Feb 2019

應該做就唔做,唔應該做就做到足!人家醫護人員因為人手不足,做到壓力爆煲,希望當局幫幫手,係幫手解決人手不足問題,唔係幫手打打氣、加加油呀!搵明星名人叫醫護人員努力,對解決問題根本毫無幫助,不如認真想想如何善用資源增加人手啦!如果係都要幫人打氣,不如諗清楚,真正需要打氣的人是誰?

病人

有網友揶揄當局為護士打氣,倒不如為病人打氣,等佢地快點好番出院。其實網友真係仲有智慧過那些坐辦公室的高官,因為生病是一件痛苦事,情緒會低落,偏偏心理係會影響生理,如果病人得到鼓舞,勇敢與病魔搏鬥,會較容易痊癒,到時就真係可減輕醫護人員的壓力喇。

運動員

多條打氣片中,僅得球星葉鴻輝的說話較具感染力,因為作為運動員,確實需要每日艱苦地操練,是不為人知的辛苦,更慘是艱苦訓練之後,即使獲得成果,但所得到的回報與尊重,跟付出是不成正比,可見在香港做運動員是何等辛苦的路,他們才需要打氣支持!

學生

作為學生,其任務就是要努力讀書,爭取好成績,旁人即使花盡金錢營造優質讀書環境,但最終能否成功,也得靠學生個人的努力,而學生單打獨鬥面對艱深的學習過程,一句窩心的鼓勵與體諒,就真係好有支持作用。

失戀者

唔好少看失戀帶來的痛苦,塵世間不知幾多人過不了情關,選擇為情自殺,了結生命,最可悲是情關真是一個關口而已,只要過得到,回頭再看真係沒甚麼大不了。因此,失戀者確實需要安慰與扶持,捱得過當下的痛苦感覺就一天都光晒。

廢青

社會向上流機會減少,使很多青年淪為廢青,雖然是否做廢青是他們自己的選擇,但廢青做久了,隨時演化為對社會有害無益的寄生蟲,政府得花龐大福利支出來養他們,所以,為廢青們打打氣,讓他們重拾生活的動力,重新尋找人生的意義,由廢青變成傑青,對社會作出貢獻!

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023