《KOF》係繼《街霸》後嘅另一陪住大成長嘅格鬥遊戲，就類似依家《Avenger》咁，集結咗SNK旗下格鬥遊戲嘅唔同角色，舉行一個世界性嘅隊制格鬥比賽。早年更打進手遊市場，推出哩隻《The King of Fighter ALL STAR》，融合橫向動作同格鬥遊戲嘅玩法，快速爽快過版，都吸引唔少Fans 入去打餐死。但今次認真惡搞，推出三個原本係雄糾糾嘅男性角色，變咗做女性，繼上次Terry 之後，再玩多三個...

最新嘅情報就有一大堆乜乜物物更新咁啦，最令人注目嘅係，唯然有三個新女角出場，望望下又覺得好熟悉，睇真啲原來係三個麻甩佬嚟。

Billy 喺《KOF 95》登場，原先登場作品係《餓狼傳說》，傑斯手下嚟，原先係作奸犯科嘅惡人嚟，變咗女性，就無咗果種奸相。

陳國漢（知佢改過唔同叫法，但小熊最初接觸係哩個名），雖然係Kim(《餓狼傳說》登場) 嘅徒弟，但只有喺《KOF》登場，一齊合組韓國隊出場，元祖級，《KOF 94》已經登場。由大肥波變細路女，完全變變晒，但攻擊恐怖感不減。

七枷社，大蛇篇角色，直至《KOF 97》大蛇先登場，大蛇篇後無故事背景亦有再度登場，幾乎係熱門選用角色嚟。雖然套衫好似，但七枷社係夾Band 㗎，女性化後都唔似夾Band 嘅。

片中有展示女孩鐵球大撲殺，個鐵球都真係幾嚇人㗎。但球仲大過佢個人，佢又咁細粒，點舞得咁流暢嘅呢？

之前出過隻《SNK Heroines》都惡搞咗Terry 一次，今次如果都有正面回響嘅話，相信全部男角女性化都唔係無可能。 

條片就好長嘅，如果只想睇三個女角，就飛去23：00開始睇啦！