SEGA(世嘉)喺3月尾嘅最後兩日，舉行一個名為《SEGA FES 2019》嘅活動，展出多款自家產品及最新嘅情報，而且亦有大量遊戲可以供入場人仕遊玩，絕對可以當成一個大節日咁看待，而SEGA嘅吉祥物，更會出現喺會場入面，供大家打卡留念，可惜嘅係展期得兩日，實在太短啦!

就如瑪x奧同比x超，見到超音鼠就等同於SEGA。所以點會少得哩隻吉祥物，唔快啲影相，轉頭佢又唔知碌咗去邊㗎啦!(點解唔見松鼠仔?)

80後嘅你，SEGA SATURN(SS) 應該都玩唔少，但咁大部機，你又玩過未?要兩人合作，一個控制方向，一個撳ABCXYZ，少啲默契都玩唔掂呀。 

玩過嘅唔需要多講，幾乎每間bar 都會有，你有無計過自己投方咗幾多心血同時間去練佢呀?

同場仲有哩啲試玩，當中會場嘅 UFO CATCHER 真係非常吸引，小熊都極之想玩。

而係......你就係「個爪呀~」，堅想玩，點解香港無㗎...嗚嗚T.T

當然仲有SS嘅其它遊戲可以試玩啦! 未玩過可以一試當然年遊戲係咩級數，玩過嘅實會回味同睇到時代嘅進步...(Now Loading...)

同場加演以櫻大戰為主題嘅展覽，展出大量櫻大戰嘅插畫，物品以及服飾，Fans 嘅天堂。

當然有新作同新消息嘅發佈，SEGA 你2019-2020有咩大計呀?

行到攰又肚餓，當然可以幫襯場內嘅餐廳啦! 但哩款以SEGA Logo 為造型嘅鯛魚燒，賣相非常吸引，而且係限定品嚟，作為手信一流。

30-31號會喺唔同時段Youtube Live 直播會場內容，有興趣可以留意返啦!