2020東京奧運仲有唔夠兩年就舉行，各個比賽項都已經處於準備當中，而其中體操一環目前則正在採購器材，結果有份投標嘅中國製器材公司泰山落選，大會將選用日本「Senoh」及法國、德國三國廠商組成嘅聯盟提供的器材。

據報今次奧組委棄用中國製公司，係依據價格、器材設置等工程管理等作出決定的，雙方將會喺今年內進行簽約。

其實喺今年多哈舉行嘅世界體操錦標賽，大會選用嘅係中國製器材，但唔少日本選手都對於器材相當不滿，認為當中需要有彈性嘅器材彈力太少，對於運動員黎講會構成危險，甚至有可能危及生命。

當然，器材彈力不足係所有參賽運動員都會一齊面對，所以並唔存在不公平。不過，唔少體操項目，好似自由體操、跳馬等項目，就非常需要器材及場地有足夠嘅彈力，咁樣運動員先可以完成理想中嘅動作，否則起跳高度不足，落地嘅時候有可能做成嚴重嘅後果。