Pokémon迷都應該等緊Switch 喺11月16日推出嘅Pokémon Let's Go Pikachu / Eevee。而當中發佈嘅內容入面，有一隻名為「Poké Ball Plus」嘅波波手掣，配合Pokémon Go 嘅掟波波捉精靈嘅方式，令玩家更投入。而額外嘅功能可以記錄玩家嘅移動資訊等等，絕對係一個必備嘅周邊配件。

而咁重要嘅周邊配件，當然都要推出一啲周邊配件去配合佢啦，而Hori 睇中哩個巿場，喺遊戲推出當日推出三款Poké Ball Plus 嘅周邊產品。

「Poké Ball Plus」專用充電座。
一個咁重要嘅配件，要定時充電係一個專業精靈訓練員必須要做嘅事，一個座枱式，而又可以當作擺設嘅充電座，更顯得你嘅熱愛情度。外形顏色完全依照Poké Ball Plus 嚟設計，所以絕對可以配合個波放喺枱頭，當作一個Fans 擺設。
唯一隱憂係，唔知點解佢要講明係駁住Switch 個Dock 嚟用，明明係充電座嚟，希望只係做接駁第一下先要啦......

售價：1,980円(未連稅)
發售日期：2018年11月16日
外形呎吋：~70mm×60mm×75mm
重量: ~100g
USB長度：~60cm
連接方式：USB
※本品はNintendo SwitchドックのUSB端子に接続して使用するもの。(本產品需要連接Switch Dock USB port 使用)
訂購

「Poké Ball Plus」專用透明保護殼。

手機殼大家用得多，手掣殼都有人用，咁作為手掣一份子嘅Poké Ball Plus 都需要一個。哩款全透明嘅膠外殼，完全Fit 晒而且中間遊戲桿位有個窿，可以「吸」住嚟玩，唔小心真係掟咗個波出去，都可以保護到。而且附送多個印有PokéBall 嘅絨布袋，方便收納。

售價：1,280円(未連稅)
發售日期：2018年11月16日
訂購

「Poké Ball Plus」專用硬質保護殼。

Switch主機有硬質嘅外賣套/箱，咁哩個波又點會執輪，亦都推出一個Fit 身嘅硬質EVA保護套，防撞防刮而且防污，保護性極高。配全埋金屬掛扣，加上PokéBall 嘅造型，掛喺袋度都絕對Sharp 醒。

售價：1,280円(未連稅)
發售日期：2018年11月16日
訂購