十月都到，要食時令嘢，首選大閘蟹，近年接連爆出大陸蟹的二噁英超標，上年更一度鬧「蟹荒」，你估人人都好似肥媽咁，真正食好D，揀北海道大閘蟹。以高質意粉到街知巷聞嘅Involtini，又有新搞作，推出意式大閘蟹Tasting Menu，有意粉有北海道蟹，仲要免落手拆蟹，他他調調食一餐高質意菜。

每年總會見到親朋好友圍埋食大閘蟹，你都知道大閘蟹大部份來自大陸，一年驚過一年，防偽標籤每年都有假，好記得上年批文未拎香港已有賣，接著又有人說批文本身一開始都可以買，即使打開個蟹膏有幾澎湃，有幾漏油，唔放心點放入口？

近年出現的北海道石狩川的大閘蟹，標榜野生，長期生活於河底，少接觸陽光，蟹色較深，雖然老實講，蟹膏爆膏程度和香氣雖不及，勝在贏幼滑，而蟹膏濃稠甘美，肉質更鮮甜。

Involtini 行政主廚Jack Law今次祭出的意式大閘蟹Tasting Menu，合共7道菜，當中5道就用上北海道大閘蟹，拆埋肉俾你，街賣一隻坐底5、6両，價錢以$250起跳，保守估計都有用至少2隻以上，仲未計每日手工製作嘅意粉，原本黎食三碟意粉可能已經呢個價。今次更和本港著名專業品酒師，獲得2016及2017大中華品酒師大賽冠軍的Reeze Choi合作，以各式意大利佳釀，配上大閘蟹Tasting Menu中的各款菜式。

餐前小點：真係番茄？

甫開場就先聲奪人，一個剝了皮的小番茄，是用鹽漬鱈魚配上新鮮魚肉作為餡料，外皮以番茄鯷魚汁，用酸甜開胃的小菜打開味蕾之旅。

頭盤：沙灘上的貝類 
(Vermantino di Gallura DOCG, Jankara 2016)

日本炸澤蟹，一款常見的食用蟹； 「蟶子殼」用藜麥制作，配燒日本魷魚及焦糖洋蔥，而主角當然是以小薄餅配大閘蟹蟹膏及三魚子籽，鹹鮮、濃郁的味道在味蕾同時間爆發，互相輝映。

配上花香洋溢、令人感覺清新的Vermantino白葡萄酒，這款酒以Vermantino提子釀製，礦物度與酸度平衡和諧，襯托海鮮食材最為合適。



第二道：「燒賣」?
(Greco di Tufo DOCG, Pietracupa 2015)

用小意麵卷做成燒賣的外觀，並以中式蒸籠盛載，配以鱸魚、鹹香的意大利風乾豬面肉、大閘蟹蟹膏，玩味之餘，蟹膏油釋出的香氣更是誘人。

配上在意大利南部以Greco葡萄釀製的Pietracupa 2015，酒體結構結實強烈，入口後偏乾的特性，正好襯上味道濃烈的美食。

第三道：鮮香煎海蝦意大利飯配瑤柱香濃蟹湯
(Etna Bianco Doc, Ante I Custodi 2014)

煎成飯焦的意大利飯，索盡海鮮湯及海蝦的鮮味，再倒入用昆布、鰹魚、花蟹及大閘蟹熬成的極鮮甜濃湯，認真，你飲過嗰壺湯，你絕對會想問有無得買走！

為這道菜式作點綴的佳釀，就是用上Carricante葡萄，在西西里島西山山腰釀製的火山酒。特點是礦物質感重，帶有淡淡的焦香味，更可嚐到陣陣鹹香。

Pasta：手做墨汁意大利麵配大閘蟹蟹膏鹹蛋黃海鮮汁
(Vernaccia di Oristano DOC, Silvio Cara 2004)

是晚重點，手造墨魚汁意大利麵，非一般食到滿口黑色的一款，麵底醬汁以鹹蛋和自家製海鮮湯煮成，鹹蛋的鹹香，能進一步提升大閘蟹蟹膏的味道，的確令你每啖都需要略等十數秒，稍作停頓以感受蟹膏和鹹蛋合奏組成的交響曲，還有意大利乾魚春亦有意想不到的驚喜。

經過陳釀的Silvio Cara 2004，擁有出眾的金黃酒色。酸度偏低，宜人甜香，整體酒感豐富，擁有大自然氣息，可嚐到粟子、蜂蜜、杏仁味，甘甜獨特，一試難忘。

Pizza：自家製大閘蟹蟹膏米小Pizza配本地新鮮食用花
(Vernaccia di Oristano DOC, Silvio Cara 2004)

用米飯煎香作為餅底，再鋪滿大閘蟹蟹膏，完全是「晒冷」之級數，心諗你食到呢一道，就知道食咗唔止2隻蟹。本地新鮮食用花意外解膩。

北海道石狩村大閘蟹Tasting Menu(共7道菜色)

價錢：每位HK$788(+10% 服務費)，另加HK$388，便可同時配上意大利佳釀(共5種佳釀)

Involtini Italian Cuisine

地址：銅鑼灣駱克道459-461號The L. Square 11樓全層

營業時間：11:30-15:00; 18:00-22:30(星期一至日)

訂座電話：2658 2128