{ SKIP }
文:MenClub William
POSTED ON 18 Dec 2017

我成日覺得大坑係一個滿是登徒浪子的地方,除咗幾間同亞視一樣永恒的茶記或餐廳,鋪頭呢頭食完,呢頭就易手,食客更是來去匆匆,喂成個感覺好歡場feel lol,不過咁,或者大坑需要多幾間感覺實在的餐廳,近期就有新來客。

今年才正式落成的精品酒店兼服務式住宅Little Tai Hang,格局房型相當骨子,地下本身已經係有本地名廚May Chow 加持的酒吧餐廳 ,剛剛就有另一間歐陸酒吧進駐一樓。

西班牙紅蝦伴日式脆米 $168
被譽為國寶級食材的西班牙紅蝦,大廚摒棄一般做法,以清酒、麻油、薑、番茄等將紅蝦醃製,火炙後再放於日式脆米之上,甘甜中帶複雜的紅蝦肉軟綿而黏口,與脆米形成強烈對比。

虎蝦意式雲吞配海膽汁 $268
每日自家鮮製的意式雲吞皮入口彈牙,選取大虎蝦為餡料,並加入茴香,進一步將蝦肉的鮮甜味道提升,香濃而幼滑的醬汁則用上北海道馬糞海膽調配而成。

餐廳名為Tipsy,當然就想客人食前食後都處於微醺嘅狀態,有酒又有菜,主打現代歐陸菜式,好似「西班牙紅蝦伴日式脆米」、「虎蝦意式雲吞配海膽汁」,不拘一格,並供應一系列特色調酒。設計靈感源自於流行於30年代的簡潔Art Deco風格,柔和燈光營造舒適氛圍,最緊要坐得舒服,食食下都有機會訓著。餐廳班底來自同區京街,主理Mustard Cafe and Bar的大廚Sing,開業3年,口碑極佳,所以就有插多支旗仔的信心。

特別推介Tipsy Mojito,接骨木花、Hendricks Gin與青瓜的結合,相互平衡,帶來煥發清新感。

想你微醺,酒品當然要多,當中包括特色手工啤酒:清酸易入口的比利時Lambic啤酒、啤酒花香重的英國IPA等,亦有傳統雞尾酒,以及眾多改良版本,搭配新穎,客人飲完,得到深刻印象之後,就會醉,OK,FINE,我帶女伴去。

Tipsy Restaurant & Bar
地址:香港大坑銅鑼灣道98號1樓
查詢:2818 8807
營業時間:12:00nn - 3:00pm、5:00pm - 12:00mn
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023