{ SKIP }
文:MenClub Simon Tse
POSTED ON 26 Apr 2019

早前才在港推出的麥拿侖720S Spider,我們已經試了,表現跟硬頂冇大分別,性能依舊、操控仍然超強,但畀多少少,可以玩埋開頂,一次過滿足兩個願望,比「出奇蛋」更出奇!

相比起其他超跑「行家」,麥拿侖算是一間比較後生的車廠,雖然創辦人Brue McLaren早在上世紀60年代已經成立車隊,但正式生產市販用車要到1992年的F1(最後只生產了106部)。真真正正做到大量生產要到2009年的12C,而今次介紹的720S Spider就是12C的孫!

誠如片中所說,720S(及720S Spider)是採用全新設計語言,唔似得650S仲搵到少少12C的影子,造型極之流線之餘,車體設計亦同時兼顧實際需要,車頭左右下方,以及頭燈之下,亦設有相應的導風管,將迎來的空氣導入各各的散熱器和制動器。另外,車門亦為雙層形式設計,下層用來導走車身上的亂流,上層則負責將空氣導入引擎艙。不過,講到最剎食的地方,一定是車尾的Airbrake可變電動尾翼,由於今代尾翼的開啟角度較前增大,所以產生出的下壓力亦較650S大了五成,而且可短於0.5秒內開啟至最大角度,有利加強制動效能和縮短制動距離。

至於今次試駕的720S Spider,採用電摺頂形式設計,開合時間約11秒,而且在車速50km/h下仍然可以開合,同時這個硬頂為玻璃頂設計,不過就設有霧化功能,一按掣即可由透明變成藍色,這樣便不怕在猛烈陽光下,將車廂變成溫室。

使用全新設計語言的720S,車頭左右下方各設有導風管道,將空氣導入前方散熱器及前輪「飽魚」。
雖未致於Long Tail(LT版)版的尾翼咁大隻,但這隻Airbrake可變電動尾翼,由於開啟角度較前大了,所以能夠比650S多五成下壓力,而且可於0.5秒內升至最大角度。
配前19吋後20吋輪圈及245(前)和305(後)輪胎,而輪圈背後是碳陶瓷碟。
現在由英國人擁有的英國車已經買少見少,「麥仔」正正就是根正紅苗的英國製造,
720S Spider是少數開頂後仍然好好睇的開篷車,留意尾翼可手動升降。
相比其他超跑,720S的車廂布局算是簡單易適應。
720S的車廂本體為第二代Monocage設計,比第一代更輕更硬。
720S Spider採用全玻璃頂設計,不過設有「Dim燈」功能,一按掣即由透明變成藍色,可以阻隔車外猛烈陽光。
720S另一好玩地方,就是這個摺合式表板,一按掣即可由睇多好多的一號表板(上圖)變成睇得冇咁多的二號表板(下圖)。

720S Spider跟720S Coupe一樣,同配全新編號M840T的4公升V8雙渦輪增壓引擎,最大馬力720匹(所以車名就叫720),最大扭力78.6kgm,0-100km/h加速只需2.9秒,極速可達341kmh/,完全是Hyper Car級數。

操控上一點也不困難,特別在Comfort模式下駕駛,懸掛表現得很舒服,不似其他「行家」一味死跳爛跳,同時轉向和油門在此模式下仍變得很輕巧,雖然是輕巧但只要肯往油門深處踩落去,爽快而直接的加速反應都會嚇你一跳,而且是來得非常結實,感覺較之前在同一路面上試過的法拉利812 Superfast還要立體。

720S Spider採用了第二代PCC底盤,其寬容度極高,而且可以在調校上容許甩尾,甩幾多或唔甩都在駕駛者調校及控制之內。另外,轉向反應極準繩,(轉向)比例接近1比1,指向性極高,出彎入彎都快狠準!


引擎:V8、Twin-Turbo

排氣量:3,994cc

馬力:720ps/7,500rpm

扭力:78.6kgm/5,500-6,500rpm

傳動:七前速SSG半自動波

驅動:中置引擎;後輪驅動

制動:碳陶瓷碟(前);碳陶瓷碟(後)

懸掛:雙搖臂(前);雙搖臂(後)

尺碼:4,543 × 2,161 × 1,196mm

軸距:2,670mm

車重:1,332kg

耗油:12.7L/100km

0-100km/h加速:2.9秒

極速:341km/h

「買得Polo,好心你俾多些少買Golf 1.4(150匹)啦!」 我多事,加把咀「咁買得Golf 1.4,點解又唔添多啲買GTI或Golf R呀?」 好在,地球仲有好多小車fans,亦都有個叫Volkswagen嘅老招牌 繼續陪佢哋癲,推出好似Gol ...
autoreviews
【一公升Turbo當道】Volkswagen Polo 1.0 TSI
06 Nov 2017
「而家啲車唔靚」已經流傳於環球車迷口中約20年。 我唔敢話將近2018呢刻,全球車廠已覺悟前非,部部新車皆「靚女」,但近年,德國、日本都有唔少令人睇得舒服順眼,又獨具風格嘅新盤。 包括今次MenClub到德國試駕嘅V ...
autoreviews
【不用看藍天碧海】Volkswagen Arteon
03 Nov 2017