{ SKIP }
文:MenClub Raphael  圖:互聯網
POSTED ON 06 Mar 2018

不得不承認,置入式廣告在現代已是無處不在;即使你多嫌惡,只要接受新資訊或娛樂也必定會接觸到。我個人對置入廣告的本質並不反感,但高手與低手的方式則極之重視,今次用兩套劇做對比,相信大家都能一目了然。

反面例子太多,除了大台炸雞事件,還有去年鬧得滿城風雨的強國版《深宵食堂》。《深宵》即使大家未睇過都一定聽過,本身是賣溫情的小品日劇,但去到強國便完全改頭換面,「老壇酸菜杯麵」廣告老是常出現,sell水壺、手機、粉餅應有盡有,為廣告而影響本身的劇情,結果當然是劣評如潮。

《深宵食堂》充份表現出將廣告變成主角,劇集變成配角的後果,喧賓奪主引來負皮連連,劇集與廣告商兩敗俱傷,更可惜是一部如此經典的劇集蒙上了污點,作為觀眾也是無限唏噓。

另一邊廂在2018年1月開播的新劇《BG~貼身保鑣》,由木村拓哉主演,講述一班貼身保鑣的故事。不難發現《BG》也是有廣告味,最明顯是劇集裡的腕錶元素,「誤差なし」亦明顯是告訴觀眾腕錶有幾準確。

一眼看出,木村手上的是Omega Seamaster Aqua Terra Chronometer Master Co-Axial,舊版橫紋設計,而2017年推出的新版則將錶盤改成直紋。每次木村執行任務,他們也會有對錶Check時間的招牌動作。

煲劇時你不會懷疑時間對專業保鑣的重要性,對錶動作也是本來劇情的一部份,即使心知賣緊Omega,觀眾也不會產生太大的違和感。「誤差なし」既成為金句熱話,亦讓人聯想起腕錶的準確性,對劇集與廣告商而言,就是最理想的雙贏狀態。

CASIO G-SHOCK推出嘅「農家橡樹」GA-2100系列近年再牽起一股電子錶熱潮,品牌亦力推女性市場,繼2021年推出女性向嘅「GMA-S2100」系列後,最新又推出更嬌小、顏色更柔和嘅「GMA-P2100」系列,或者會係大家嘅情人節禮 ...
watchesandwine
【潮流】ITZY代言!G-SHOCK「農家橡樹」推更嬌小女裝版
22 Jan 2024
日本威士忌品牌「WHISKY MEW」主要銷售由日本著名威士忌收藏家「山岡秀雄」親自試出及推薦嘅威士忌,並經常與各大日本動漫作品合作推出聯乘作品。而最新嘅聯乘,就係同士郎正宗創作嘅著名Cyberpunk作品《攻殼機動隊 ...
watchesandwine
【日本】WHISKY MEW聯乘《攻殼機動隊》推限量威士忌
10 Jan 2024