{ SKIP }
文:MenClub 魏文青  
POSTED ON 15 Jul 2018

早排同大家講過大部份女性都有扮過高潮,大家呢排敦倫之時可能都忍唔住審視伴侶嘅反應。不過與其擔心佢扮嘢,不如專心增進下你自己嘅技巧,了解女性身體所需,先至係治本嘅方法。不過呢到講嘅技巧,唔係啲咩九淺一深、龍舟掛鼓,而係照顧女性身、心、靈嘅技巧。因為根據外國網站《Men's Health》引述性治療師Ian Kerner所講,一位女性要達到高潮,佢嘅腦部主宰壓力、情緒、焦慮嘅部份會停止運作,換言之你要令佢裏裏外外都「High翻天」,佢先有可能達到高潮!實際上又係點「操」作?以下八點可能可以幫到你啦!

1. 請留意陰蒂

因為生理結根據2017年嘅一個研究,發現1000名受訪嘅美國女性當中,只有18%可以透過(淨係)刺激陰道而達到高潮,其餘大部份人都需要被刺激陰蒂。換言之單純嘅「活塞運動」其實並非令女性達到高潮嘅最佳辦法,反而要留意點樣同時刺激對方兩個敏感點。例如喺男上位時男性向前傾,又或者女上位時男性以手肘撐起上身,都會更容易磨擦到女性嘅陰蒂——如果你唔知陰蒂喺邊,麻煩你自己Google。

2. 女人好股惑架

基於男性嘅基因,各位喺與女友親蜜之時,對手通常都係集中攻擊佢嘅上身,女性嘅下身,尤其係Pat Pat好多時都被忽視。但其實女性屁股附近隱藏咗好多神經,而且因為你經常唔理佢,所以比起其他位置更為新奇敏感。只需要用力但溫柔地按摩、拿捏已經可以產生快感。順帶一提,如果你睇外國AV,見到啲男優成日打女優個Pat Pat覺得好爽快想試下,咁你就要小心女伴未必接受呢種略帶SM味道嘅互動,都係嗰句,問下先唔使死嘅。

3. 讓你的身體跟上她的節奏

常言道女人口不對心,但對於床上運動,大部女人嘅身體都係誠實的。女性感到歡愉時身體會有不同嘅反應,甚至有節奏地蠕動、扭曲,男性就可以用呢啲資訊黎判斷女伴嘅敏感部位、適合嘅刺激方法。此技巧喺你為對方以口舌服務之時就更為重要——畢竟好難一路食嘢一路講嘢嘅係咪?

4. 鍚佢

冇錯,就係咁簡單。對男性黎講,親吻甚至濕吻都只係前戲嘅一部份,到真正埋牙搏鬥之時,大家通常都集中精神對付佢另一張咀。但其實接吻對女性黎講絕對係性愛中不可或缺嘅步驟,例如2017年一個研究就發現濕吻、口交(你幫佢)加上陰部刺激,會更容易令女性達到高潮。

5. 揸頸就正

OK,唔係叫你真係揸住佢條頸,但女性(其實係大部份人)嘅頸側,即係你細個「吱」人會攻擊嘅部位,都係相當敏感,酥酥麻麻嘅感覺喺適當嘅氣氛下亦能令女性提起性趣。不過要注意刺激頸部嘅手法必須輕柔——唔係啲人以為你想玩窒息性愛架啦。

6. 愛,都係要講嘅

大家平時做愛會講啲咩對白?大概都係「嗯嗯呀呀喔喔」,但其實喺做愛時講嘢係能夠令到大家嘅身心都更加易進入狀態。咁講啲咩呢?當然唔係今晚食乜餸。入門級嘅,男方可以稱讚一下女伴有幾性感,你當下嘅感覺又係點,進階啲嘅就可以描述一下你將會對對方做啲咩。不過要注意嘅係每個女仔對唔同用詞(例如粗口)嘅接受程度都唔同,你自己執生啦。

7. 搵幫手

當然唔係叫你玩3P(我知你想),而係提醒大家不妨試下用性玩具助興。喺呢到就要大家先衝破「用性玩具好似好低俗」嘅刻板印象,其實性玩具講到只係令大家更容易達到高潮/性滿足嘅工具,同你低俗唔低俗係無關,唔通你用刀叉(工具)食飯(達到目的)我又話你為食咩!最緊要係同伴侶有良好溝通,大家一齊去探索適合自己嘅工具。

8. 溝完要通架

有冇發現上面好多個要點都出現「溝通」呢兩個字?冇錯,性愛說到尾其實就係兩個人嘅交流,如果你意圖玩下新意思,當然要得到伴侶嘅同意(至少係不反對); 就算只係討論一下大家平時慣做嘅嘢,可能都可以溫故知新,對對方嘅身體同喜好有新嘅發現,為性愛增加新鮮感。

食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024