前手機界一哥Nokia最近頻頻曝光，除咗有早前嘅復刻版「蕉仔」8110，噚日亦正式喺香港發佈新機Nokia 6.1 Plus(中國命名為Nokia X6)。新機屬中階級定位，配有高屏佔比嘅5.8”19:9 FHD瀏海屏幕，以及採用高通Snapdragon 636處理器。Nokia 6.1 Plus將會喺7月24日於香港發售，定價為港幣2,288元。

諾基亞手機大本營HMD Global噚日宣佈Nokia 6.1 Plus登陸香港，Nokia 6.1 Plus除咗個FHD瀏海屏幕之外，機身93%都係由玻璃覆蓋，配上鋁合金金屬邊框，令部機揸落更大手感。新機用嘅高通Snapdragon 636處理器令系統運算及圖像處理能力大大提升，亦加強手機續航能力。

鏡頭方面，Nokia 6.1 Plus配備1600萬像素及500萬像素高靈敏景深雙鏡頭，可以使用AI智能拍攝、HDR拍攝技術及人像補光功能。另外，新亦支援#Bothie雙向拍攝功能，用家可以即時喺Facebook/ YouTube上分享。

Nokia 6.1 Plus採用原生Android Oreo系統，同時亦係Android One成員之一，每個月都有定期安全更新及系統升級，而用家仲以可免費享用無限儲存嘅Google Photos。而Nokia 6.1 Plus 將會喺7月24日於香港指定零售商發售，定價為港幣2,288元，備有藍、白兩種顏色。

Nokia 6.1 Plus主要規格一覽: