雖然世界盃完咗，但有無留意FIFA 18對世界盃嘅預測結果？大約個半月前FIFA 18已經成功預測到法國會奪得2018年世界盃冠軍，更犀利嘅係FIFA系列喺2010年及2014年都分別成功預測西班牙及德國奪冠，「睇波不賭波」嘅大家會唔會聽到心郁郁，想喺下屆世界盃搏一舖！

喺FIFA 18嘅預測入面，法國隊淘汰賽階段同現實經歷非常相似，分別都喺16強、8 強及4強擊敗咗阿根廷、烏拉圭及比利時，而決賽對手就係分組賽一早出局嘅衛冕冠軍德國。

EA旗下嘅FIFA系列除咗成功預測近3屆世界盃冠軍之外，仲成功喺13次美國超級碗賽事中預測到9 次冠軍。

來源︰Engadget