三星喺韓國嘅影響力非常大，就連Apple都要打入韓國市場都唔係咁易，但係喺5G無線技術嘅爭奪戰中，三星喺韓國本土就可能要面對華為嘅挑戰。據Bloomberg報道，韓國三大電訊商SK電訊、KT及LG Uplus準備採購華為5G電訊設備，初始合同價值可能達到10萬億韓元(90億美元)。

其實華為已經係全球最大電訊設備製造商，目前喺5G領域上大舉投資研發，成為咗擁有專利數量最多嘅公司之一。此外，SK電訊、KT及LG Uplus擁有超過5600萬用戶，超過韓國5100萬嘅人口總數，所以喺佢哋上個月決定以3.6萬億韓元購買5G頻譜後，採購設備成本就變咗重要考慮因素，因此華為機會為韓國三大電訊商提供5G設備。

華為除咗喺電訊設備市場方面取得成功，仲大舉進軍消費設備市場，目前華為已經係全球第三大智能手機廠商，僅次於三星及Apple。但華為與三星嘅差距正在縮小，根據TrendForce數據，去年三星消費設備市份額為21.9%，華為大約為10.8%。

來源︰Bloomberg