早前Elon Musk製造迷你潛水艇協助拯救13名泰國少年足球隊成員後，事件並未告一段落。因泰國當局並未有採用該潛水艇，而參與救援嘅英國潛水專家Vernon Unsworth更喺CNN訪問中批判Elon Musk唔了解洞穴情況，形容佢整架潛水艇出嚟係公關手段。Elon Musk事後喺Twitter發文反擊，仲話對方係「孌童男」(Pedo Guy)！

事源英國潛水專家Vernon Unsworth接受CNN訪問時表示，「Elon Musk根本唔了被困者解洞穴內情況，批評佢所製造嘅迷你潛水艇根本過唔到洞穴內狹窄嘅水道，而潛水艇更無可能前進到超過50米，形容呢啲都係Elon Musk嘅公關手段。」佢仲指出，Elon Musk喺洞內穴內逗留咗一陣就被泰國拯救人員趕咗出去。

事後Elon Musk睇到報導當然好嬲，佢就喺Twitter發文反擊指，「喺洞穴內根本見唔到Vernon Unsworth，現場只有泰國當局嘅海軍及陸軍官兵，又指官兵們一直鼓勵佢參與拯救。」佢仲指出，「當時洞內水位已經非常低，唔戴上潛水裝備都可以游去第5洞室，佢揚負責抽水及發電機組人員，認為佢哋係無名英雄。」

但之後Elon Musk回應越嚟越激烈，「話迷你潛水艇可以送到入去第5洞室」，之後佢仲嘲諷Vernon Unsworth係「孌童男」(Pedo Guy)。佢再回應貼文話，「同我打賭，我講嘅係真。」