近期電訊界無人唔識嘅中興通訊，又再為大家帶嚟一則新聞。有消息人士透露，中興通訊估計因美國禁令面臨至少30億美元虧損，當中包括因客戶取消交易、公司主要經營活動中斷，而令支出費用上升。

話就話要蝕30億，不過中美有望就中興通訊達成協議，而中興已經制定出一份名為「T0」嘅計劃，一旦美國同意解除7年禁購美國晶片及零部件嘅命令，停工工廠可以喺幾個鐘內恢運作，並有望迅速恢復生產。

來源︰Bloomberg