外媒Kotaku報導指，Sony向遊戲開發商發信表示，美國及歐洲分公司將於2018年財政年度後結束PS Vita實體遊戲製作(Sony 2018財年將於2019年3月31日結束)，並要求遊戲開發商喺2019年2月15日前購入最終訂單。可以肯定嘅係，PS Vita用家仍然可以喺Sony網上購買數位版遊戲，同埋主機尚未停產(住)。

其實早喺上個月英國媒體Daily Star曾經報導，Sony 將宣布PS Vita 停產及停售嘅消息，而全球第一個停產及停售PS Vita 嘅地區係西班牙，相信距離PS Vita全面停產嘅日子不遠。

對於PS Vita嚟講，由2012年推出開始已經要面對任天堂3DS嘅競爭，以及手機和平板電腦遊戲嘅崛起，PS Vita好快就遇上失利。即使PS Vita喺日本好受歡迎，但佢喺北美及歐洲市場頭兩年一直無咩起色。

來源︰Kotaku