其實唔止00後，身為90後嘅小編同樣錯過咗呢部80年代經典「紅白機」！去年底任天堂推出咗「紅白機」及「灰機」嘅Mini復刻版，遊戲機一推出就掀起搶購熱潮，亦曾經炒貴一倍，直至上個月仲有消息指復刻版會停產。各位廣大嘅機迷唔好擔心，因為任天堂已經宣布，Mini復刻版「紅白機」將會喺6 月 28 日恢復發售。

除咗Mini復刻版「紅白機」之外，任天堂亦宣布推出「任天堂迷你紅白機周刊少年 Jump 50 周年紀念版」，並喺7 月 7 日發售，售價為 7,980 日圓。紀念版將配以紅、金兩種顏色，並預載20款周刊少年Jump漫畫改編嘅經典遊戲，包括《龍珠Z》、《北斗神拳》、《聖鬥士星矢》等。