果迷要注意！根據《華爾街日報》報道，蘋果公司將聯手投資銀行高盛推出信用卡，消息人士指出，信用卡仲會有Apple Pay支付功能，預計最快於2019年年初推出。究竟呢張信用卡會叫咩名呢？如果一般簽帳額叫「iCard」，咁無Limit係咪叫「iCard Pro」。

其實Apple Pay 為蘋果帶嚟嘅交易收入比蘋果高層預計慢，加上旗下嘅iPhone銷售增長放緩，所以蘋果要更重視Apple Pay、Apple Music以及 App Store 等銷售服務，亦都因為咁，促成咗兩個界別嘅巨頭合作，有助改善蘋果核心業務的弱點，同埋彌補高盛證券交易下滑嘅不足。

《華爾街日報》仲指出，兩大巨頭合作內容中，仲包括高盛會喺蘋果公司旗下零售店向消費者提供貸款，幫大家購買蘋果產品，直頭係一條龍嘅賺錢服務，難怪蘋果股價星期四再創歷史新高。目前兩間公司正擬定條款以及客戶優惠等細節，而推出信用卡計劃將取代蘋果同巴克萊合作推出嘅儲值卡。

來源︰華爾街日報