{ SKIP }
文:MenClub 路兒  圖:互聯網
POSTED ON 29 Mar 2018

Facebook擅用私隱資料風波持續惡化,公司被揭發由Android裝置擅取數據,惹起公憤。Facebook急急宣布,將私隱設定重新整理成單一頁面,令用戶更易找到,又推出全新私隱工具「獲取個人資料」,等大家自行管理個人資料咁話。

最近Facebook宣布將會推出全新工具「獲取個人資料」(Access Your Information),畀用戶了解同管理自己嘅個人資料,例如帖子、讚好、回應以及搜尋紀錄。用戶可以隨時刪除資料,等紀錄唔再喺Facebook生活時報或個人檔案上出現,Facebook就唔會「使用及傳送」呢啲資料。

另一項「下載個人資料」(Download Your Information)工具就畀用戶用戶可以下載返曾經在Facebook上分享的數據,包括相片、通訊錄、帖文等等,亦有權將資料轉移至其他服務,唔留喺Facebook。呢兩項工具預計會於未來數周推出,官方又預告更新用戶數據政策,以及就使用條款及細則更新提出建議。

原本Facebook亦有廣告偏好、雙重認證登入、內容權限管理等私隱設定,不過就分散喺N個子頁面入面,要逐一分別設定都唔容易。依家Facebook就將之整合歸一,成為單一頁面,方便管理。以廣告偏好為例,用戶可以管理返自己喺邊啲廣告商嘅名單上、Facebook又會根據咩資料類別同興趣偏好向你顯示廣告等等。喺「你的資料」之下中仲有項「你的類別」,詳列你所用嘅手機型號、電腦系統,甚至朋友係咪鍾意睇足球等資料,聲稱「幫助廣告客戶接觸最可能對他們商品、服務和事業感興趣的用戶」,唔想資料繼續向廣告商顯示的話就剔除相關類別啦。

以往行書展都要迫餐死先買到本書,住得遠嘅話仲要拎餐懵先返到屋企!今年書展「Tap Go 手機錢包」首次推出咗Virtual Store,令書迷喺書展體驗O2O(Online to Offline) 購物便利,書迷利用Tap Go買書除咗可以喺會場 ...
tech
Tap & Go書展首推Virtual Store 買書唔駛迫餐懵
18 Jul 2018
今日三星出咗個新廣告抽iPhone X水 ,搵嚟演員客串「Ingenius」寸爆iPhone X下載速度唔夠Galaxy S9快。三星之所以推出次廣告,因為配備咗高通X20 LTE晶片嘅Galaxy S9,喺今年Ookla 2月至4月嘅Speedtest中,LTE速度平 ...
tech
三星廣告抽iPhone X水 下載速度唔夠S9快
18 Jul 2018