{ SKIP }
文:MenClub 路兒  圖:互聯網
POSTED ON 08 Mar 2018
Google每逢3月就會向軟件開發者釋出下一代Android操作系統,今回「Android P」亦不例外,而為迎接嚟緊一波全屏幕手機,Android P都加入選項畀開發者避開頂部M字額,仲可以喺訊息通知度直幫你度定點覆Message。
Google喺發布中提到,唔少手機都採用全屏幕,Android P就支援不同呎吋嘅顯示畫面,畀開發者自行決定用唔用埋條M字額。例如顯示圖片呢類內容時,開發者就可以選擇飛甩M字額,令視覺效果更舒服。

另一新功能係訊息通知欄嘅回覆訊息功能會進一步增強,除咗會睇到發訊息者嘅名同內容,亦可以顯示埋圖片同貼紙;仲會自動建議字句回覆,唔使左諗右諗,或者「OK」打錯做「PK」。
手機位置準確度也有提升,Andriod P支援Wi-Fi RTT技術,收集3個或以上Wi-Fi接入點的位置後,就可以將手機的位置收窄到1至2米。Google強調過程中手機無需連接至Wi-Fi,Wi-Fi接入點亦不會偵測到手機,保障私隱。
其他如雙鏡頭功能、影像和影片壓縮、保安、電源效率等亦一一有所提升。Android P目前開放予軟件開發者測試,支援Pixel、Pixel XL Pixel 2同Pixel 2 XL,不過普羅大眾都係繼續等Beta版穩陣啲。
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024