{ SKIP }
文:MenClub 路兒  圖:MenClub
POSTED ON 08 Mar 2018
今日Samsung Galaxy S9 /S9+正式公布316日登陸香港,分別賣$5,998同$6,998起。就咁睇就比對手iPhone X平一截,係咪真係吸引?立即速試睇睇。

人像Emoji係主打功能之一,用戶利用面部掃描加埋AI,可以追蹤超過100個面部特徵,創造同自己一模一樣嘅AR公仔貼紙,之後仲可以換衫同眼鏡等,令AR公仔更神似。整個過程相當快,不過戴住眼鏡或者頭髮遮眼效果都未必咁好,例如影完會見到眼鏡印;似唔似就見仁見智啦,女神周秀娜都依然咁可愛嘅。好處係可以存為GIF檔,再經WhatsApp等通訊軟件send畀朋友,相比iPhone Animoji似乎方便啲。

S9系列亦強調攝影功能大升級,加入F1.5 / F2.4雙光圈相機,模擬人眼虹膜,自動在黑暗時調整至大光圈吸收更多光線。

普通商場室內環境光線充足情況下,手機會自動F2.4光圈拍攝,S9+後置雙鏡頭仲可以實時調較景深,效果算自然。而喺暗黑房間中拍攝,手機就會自動轉為F1.5光圈不過對焦時唔知係咪部機太敏感,經常會感應到小記掃向上變成自拍,有點惱人。
新機另外加入960fps 超慢動作影片模式,效果就好似Flash嘅世界咁樣,拍攝時屏幕會顯示方格,會偵測飛入的物件再自動轉換成超慢動作影片,鍾意拍片玩效果的話,確具玩味。

5.8吋嘅S96.2吋嘅S9+外型上帶住濃濃嘅S8影子,厚8.5mm,分別重163g同189g,拎上手相當輕,係膠。兩者採用QHD弧形Super AMOLED屏幕,像素密度分別為570ppi529ppi,獲DisplayMate網站評為Exellent A+。播片可以睇到色彩對比分明,亦未有明顯色差。

想自己試試新機的話,Samsung將於即日起至3月18日於太古城中心設置Samsung Galaxy Studio,其後會巡迴港九新界,設不同LINE主題體驗區畀大家試玩多項功能,親身體驗效果。
由日本日本宇宙航空研究開發機構(JAXA)發布消息指,旗下所研發嘅探測器「隼鳥2號」成功喺太陽系小行星「龍宮」表面投下兩個名為「MINERVA-II」嘅小型探測機械人,而兩個機械人喺小行星表面著陸後仲完成咗全球首次喺 ...
tech
日本探測器創歷史 首次著陸小行星「龍宮」
24 Sep 2018
今日你能夠上網睇到呢個Post一定要感謝一個人,佢就係「光纖之父」高錕。諾貝爾物理學獎得主兼中大前校長高錕,昨日於沙田白普理寧養中心與世長辭,享年84歲。雖然高錕離開咗我哋,不過佢亦留低咗可以傳送大量資訊嘅 ...
tech
【永遠懷念】光纖之父高錕辭世 留下發明改變世界
24 Sep 2018