{ SKIP }
文:MenClub 魏文青  
POSTED ON 09 Jan 2018
臨近新年,行得開嘅應該都已經計劃好出外旅行,而無論你係因為去歐遊要帶厚衫,定係準備去日韓瘋狂掃貨,你個喼都一定會重到拖都嫌麻煩。曾經同小米合作推出行李箱嘅上海公司「90分(90FUN)」就為提供另一個選擇——喼,唔使自己拖,佢識跟你行嘅!

喺目前舉行中嘅CES 2018,90FUN推出針對美國市場嘅新型行李箱「PUPPY」,最大賣點係來自合作伙伴「Segway」——冇錯,好多年前成龍踩住週圍走嗰部嘢——嘅自動平衡技術,以及90FUN自行研究嘅控制晶片及精準定位,令「PUPPY」能夠好似一隻真正嘅狗仔咁跟住你行,又或者透過遙控「召喚」到使用者身旁,成件事睇黎就好方便。
但據外媒《The Verge》報導,「PUPPY」目前同「Puppy」最接近嘅地方,可能係大家都唔多聽話。喺CES上展出嘅「PUPPY」仍屬原型機,運作方法係以超寬頻連接遙控,並跟隨其訊號向該方向移動。但一來離得太遠佢就會跟唔上,二來由於佢並未識得繞開障礙物,只要你同佢之間嘅直線上出現任何物件,佢就可能會直撞上去再跌倒,結果你都係要去執返佢。另外「PUPPY」如果於自動行走中被人拎起,就會發出鳴叫,原意應該係提醒用家以防行李被偷,但實際上使用就可能引起不必要嘅注意。而且「PUPPY」喺設定上係Hand Carry行李,但美國航空等已定明智慧型行李箱嘅鋰電池必需可以拆除,否則不能上機,上咗機亦必須要全程關機。睇黎大家都要等好一會兒先可以去旅行「放喼」啦。
The Verge
今日三星出咗個新廣告抽iPhone X水 ,搵嚟演員客串「Ingenius」寸爆iPhone X下載速度唔夠Galaxy S9快。三星之所以推出次廣告,因為配備咗高通X20 LTE晶片嘅Galaxy S9,喺今年Ookla 2月至4月嘅Speedtest中,LTE速度平 ...
tech
三星廣告抽iPhone X水 下載速度唔夠S9快
18 Jul 2018
雖然世界盃完咗,但有無留意FIFA 18對世界盃嘅預測結果?大約個半月前FIFA 18已經成功預測到法國會奪得2018年世界盃冠軍,更犀利嘅係FIFA系列喺2010年及2014年都分別成功預測西班牙及德國奪冠,「睇波不賭波」嘅大家 ...
tech
FIFA 18成功預測法國奪冠 連續3屆命中冠軍
18 Jul 2018