{ SKIP }
文:MenClub 路兒  圖:互聯網
POSTED ON 09 Sep 2017
早幾日同個肥仔姨甥仔玩,佢話第日想做太空人,問曰:「做太空人要好好體能架喎!坐太空船好辛苦架,套衫又重喎!你唔怕咩?」胖孩揮一揮藕臂,輕鬆回道:「開大啲冷氣咪得囉!」

Astronaut spacesuit next to Crew Dragon

Elon Musk(@elonmusk)分享的貼文 於 張貼



太空船上面冷氣有幾勁真係不得而知,不過太空人確係唔易做,月球上嘅地心引力大概只有地球嘅1/6,火星亦只得1/3;件太空衣上到外太空可能輕如鴻毛,落返地球就重於泰山。喜愛創新嘅Tesla CEO Elon Musk就索性重新設計一件輕巧為主嘅太空衣,畀自家SpaceX太空科技公司太空人著用,佢仲喺Instagram度發佈一張相,show埋太空衣新設計全相,成套賽車甲咁喎喂!




呢套賽車手盔甲咁嘅太空衣黑白撞色設計簡單俐落,而且相較傳統太空衣輕咗又薄咗,對Boot亦方便行動,相信主要畀相中嘅Dragon太空船使用,用嚟乘載NASA太空人來回地球同國際太空站。但以設計睇嚟,只係能夠於太空艙內專用,不足以承受艙外環境壓力,唔可以行出艙外。


今次已經係Elon Musk第二次發放太空衣相片,之前雖然只得個頭盔,但佢都強調:「件衫已經過真空測試,確係用得嘅,絕對唔係模擬圖片!」









自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024