{ SKIP }
文:MenClub 路兒  圖:互聯網
POSTED ON 07 Sep 2017
有搭過飛機都知,航空公司仲係好「先進」地興用SMS提醒閣下航班訊息,於是有延誤調動,熱線又打唔通,櫃位又迫滿人,想搵個人問都難。荷蘭皇家航空就管理有方啦,運用WhatsApp嚟發放航班登機訊息同回應乘客查詢,可以send message問吓班機係咪delay no more


話說日前WhatsApp正式推出咗企業版,好似Facebook咁為商業機構認證號碼,開通企業帳號後就會喺號碼旁邊見到綠剔,同時推出應用程式畀商家方便管理。荷蘭皇家航空公司就成為全球首間同WhatsApp合作嘅航空公司,即日起測試利用商業帳戶全天候24x7向乘客發放航班資訊,包括訂位確認、Check-in通知、登機證、航班最新狀態,同埋最重要嘅:回應乘客查詢。


荷航表示,會有超過250位服務專員,識得用9種不同語言,包括中文同英文,真人回應大家WhatsApp上嘅查詢,唔驚雞同鴨講。官方保證所有WhatsApp都會加密,只有荷航同乘客睇到,連WhatsApp都唔知內容。有WhatsApp可以即時問到航班狀態真係方便好多,終於唔使再喺櫃位同大媽一齊迫住等空姐講delay完未。
iPhone X發布才短短一星期,依然係城中熱話;但有間手機廠乘勢走出嚟抽水,出片笑人用Face ID認唔到個樣,叫大家等佢哋部「真AI手機」。邊個咁大口氣?咪國產華為囉。果然反應敏捷喎,抽水方面。 ... ... ... ... ...
tech
【抽iPhone水?】華為預告下月發布「真AI手機」
19 Sep 2017
留意返,合埋眼係解唔到鎖嘅,但偉大嘅祖國亦睇準商機,乘勢推出一系列「防解鎖面罩」,安詳睡眠必備咁話。
tech
【求求讓我睡】淘寶湧現防Face ID面罩!
18 Sep 2017