{ SKIP }
文:MenClub 路兒  圖:互聯網
POSTED ON 07 Sep 2017
聽講人天生鍾意圓形,所以生活中好多嘢都加入圓形設計,水樽係圓柱體、手機有圓角;波亦愈圓愈好,扁撻撻咁點揸手,點射籃啫。最近連認知中長方形嘅Keyboard都有人要改成圓形,係咪手感好啲先?


呢款名為Hunter 1.0的圓形機械鍵盤號稱符合人體工學,所有鍵鈕排列都經過精心設計,等你親愛嘅左手可以舒舒服服,陪你馳騁沙場。佢一共先得12粒掣,都係你打機用開嘅上下左右果堆,加埋一枝Joystick咁。全部按鍵都可以自行定義,隨盒仲附送12粒方形同12粒圓形鍵帽組合隨時任換。


Hunter 1.0都做足機械鍵盤嘅要求,觸發壓力50g,深度亦只需要1.5 mm,最緊要夠快。鍵盤變咗圓形係咪真係好打啲小記就真係唔多清楚,但似乎就慳位好多,呎吋先比手掌大少少。目前產品喺Kickstarter集資中,早鳥價每部59美元(460港元),有興趣可以去睇睇。
Kickstarter網址
iPhone X發布才短短一星期,依然係城中熱話;但有間手機廠乘勢走出嚟抽水,出片笑人用Face ID認唔到個樣,叫大家等佢哋部「真AI手機」。邊個咁大口氣?咪國產華為囉。果然反應敏捷喎,抽水方面。 ... ... ... ... ...
tech
【抽iPhone水?】華為預告下月發布「真AI手機」
19 Sep 2017
留意返,合埋眼係解唔到鎖嘅,但偉大嘅祖國亦睇準商機,乘勢推出一系列「防解鎖面罩」,安詳睡眠必備咁話。
tech
【求求讓我睡】淘寶湧現防Face ID面罩!
18 Sep 2017