{ SKIP }
文:MenClub 路兒  圖:互聯網
POSTED ON 05 Sep 2017
果日睇電視提到南北韓互試導彈軍演,阿媽好驚驚,問曰:「會唔會扔偏咗扔咗過嚟?」媽,今時今日科技好發達架啦。連俄羅斯總統普京都話:「憑AI就可以征服世界啦。」金仔學嘢啦。


普京最近就人工智能發展發表講話,指不單止係俄羅斯,全人類嘅未來都係屬於人工智能。人工智能帶嚟龐大嘅機遇,同時亦有難以估計嘅風險。但佢強調,只要成為AI界之王,就可以征服全世界,野心外露。



那邊廂,Tesla總裁Elon Musk聞言,就喺Twitter回應話「好快中國、俄羅斯等國家都會成為電子科技強國,國與國之間嘅AI大戰可能會觸發第三次世界大戰。」睇嚟自太空競賽之後,國與國之間又多一樣科技比拼。Elon Musk又話,國家之間未必會直接透過發展AI引發第三次大戰,而係軍備競賽中間接以AI觸發戰爭,所以亦要搶巨頭之位。AI之戰聽落可大可小,最緊要唔好勞民傷財生靈,不如都係AlphaGo捉盤棋輕輕鬆鬆咪算囉。
iPhone X發布才短短一星期,依然係城中熱話;但有間手機廠乘勢走出嚟抽水,出片笑人用Face ID認唔到個樣,叫大家等佢哋部「真AI手機」。邊個咁大口氣?咪國產華為囉。果然反應敏捷喎,抽水方面。 ... ... ... ... ...
tech
【抽iPhone水?】華為預告下月發布「真AI手機」
19 Sep 2017
留意返,合埋眼係解唔到鎖嘅,但偉大嘅祖國亦睇準商機,乘勢推出一系列「防解鎖面罩」,安詳睡眠必備咁話。
tech
【求求讓我睡】淘寶湧現防Face ID面罩!
18 Sep 2017